Навіны

29 верасня 2023

У рамках Дня пажылых людзей актыў галоўнага ўпраўлення юстыцыі, а таксама прадстаўнікі Віцебскай філіі РУП па аказанні паслуг «БелЮрЗабеспячэнне» наведалі Віцебскі дом-інтэрнат для састарэлых і інвалідаў.

Работнікі галоўнага ўпраўлення юстыцыі перакананыя, што дабрачынная дзейнасць - гэта не толькі аказанне дапамогі, але яшчэ і магчымасць асабістым прыкладам паказаць грамадскасці тое, каму неабходна аказваць падтрымку.

Дырэктар дома-інтэрната Святлана Саннікава падзякавала гасцям за візіт, аказаную падтрымку і ахвотна расказала аб дзейнасці дзяржустановы. Цяпер тут пражываюць каля 300 грамадзян, якія знаходзяцца ў цяжкай жыццёвай сітуацыі, інваліды. Для іх створаны ўсе неабходныя ўмовы ў галіне сацыяльнага абслугоўвання, догляду, медыцынскай дапамогі. Распавялі і пра вольны час пражываючых.

У якасці дабрачыннай дапамогі ўстанове перададзены гігіенічныя сродкі.

Напярэдадні свята ва ўстанове была падрыхтавана канцэртная праграма, якая выклікала мора станоўчых эмоцый не толькі ў пражываючых, але і ў работнікаў галоўнага ўпраўлення юстыцыі.

Намеснік начальніка ўпраўлення прымусовага выканання - начальнік аддзела прымусовага выканання ўпраўлення прымусовага выканання Вольга Багданава павіншавала прысутных у актавай зале з надыходзячым святам, пажадала ўсім здароўя, аптымізму і падзякавала старэйшаму пакаленню за іх мудрасць, стваральную працу і спадчыну, якую яны перадалі.