Навіны

6 верасня 2022

12 верасня 2022 года ва Установе "Занальны дзяржаўны архіў у г. Полацку" ў рамках мерапрыемстваў, прысвечаных 100-годдзю архіўнай службы Беларусі, пройдзе Адзіны дзень адчыненых дзвярэй.

У гэты дзень усе ахвочыя могуць наведаць Занальны дзяржаўны архіў у г. Полацку і азнаёміцца з яго дзейнасцю: атрымаць кансультацыі па пытаннях архіўнай справы і справаводства, навукова-даведчаму апарату архіва, правілах работы з дакументамі ў чытальнай зале, а таксама па забеспячэнні іх захаванасці. У чытальнай зале архіва будуць прадстаўлены для азнаямлення дакументы па гісторыі Полацкага краю.
Госці архіва могуць наведаць выставу дакументаў, прысвечаную 100-годдзю архіўнай службы Беларусі "З гісторыі станаўлення архіўнай службы Полаччыны".
У гэты дзень будуць праведзены майстар-класы і экскурсіі для школьнікаў з наведваннем архівасховішча і чытальнай залы. Усе пытанні па арганізацыі мерапрыемства, а таксама папярэдні запіс на экскурсію па тэл: 43-86-03, 46-28-93.

Мерапрыемствы пройдуць па адрасе: вул. Ф. Скарыны, 6а, г. Полацк.
Работнікі дзяржархіва будуць рады бачыць Вас і адказаць на ўсе пытанні!