Навіны

15 верасня 2022

На базе Віцебскай абласной бібліятэкі ім. В.І. Леніна напярэдадні Дня народнага адзінства адбыўся круглы стол на тэму "Медыяцыя - мастацтва вырашаць канфлікты".

Удзел у мерапрыемстве прынялі начальнік галоўнага ўпраўлення юстыцыі Віцебскага аблвыканкама Сяргей Канапелька, яго намеснік Таццяна Харушэўская, намеснік старшыні Віцебскай абласной калегіі адвакатаў Вера Шлома, загадчык Першай Віцебскай натарыяльнай канторы Наталля Царэнка, загадчык УІІ. П. М. Машэрава Кацярына Рэбіцкая, дзейныя медыятары Віцебшчыны, а таксама студэнты Віцебскай філіі МІПСА.
Па словах выступоўцаў, любое грамадства не пазбаўлена канфліктаў і апошнім часам у нашай дзяржаве актыўна ўзрастае цікавасць да медыяцыі і ўменняў урэгулявання канфліктаў. Медыяцыя - гэта альтэрнатыўны традыцыйнаму судоваму спосаб урэгулявання канфліктаў і, па сутнасці, уяўляе сабой перамовы бакоў, якія спрачацца з удзелам незалежнай асобы - медыятара - у мэтах выпрацоўкі ўзаемапрымальнага рашэння. Прычым, такое рашэнне прымаюць самі бакі, а медыятар стварае для гэтага ўмовы. Расце і супольнасць медыятараў. Паводле слоў Таццяны Харушэўскай, на сёння Міністэрствам юстыцыі Рэспублікі Беларусь прынята рашэнне аб выдачы больш як 60 пасведчанняў медыятарам, якія практыкуюць у Віцебскай вобласці. Медыяцыя выкарыстоўваецца не толькі ў грамадзянскім, але і ў крымінальным судаводстве.
Аб медыяцыі як спосабе вырашэння канфліктаў з асабістага вопыту работы падзяліліся кожны з прысутных спецыялістаў. Студэнты мелі магчымасць задаць ім пытанні, якія іх цікавяць, і атрымаць разгорнутыя адказы.
Таксама маладыя людзі прынялі ўдзел у гульні "Медыятыўны інтэрактыў", у рамках якой дзяўчынкі і хлапчукі змаглі пабыць у ролі медыятараў, навучыцца чуць і слухаць.