Навіны

14 кастрычніка 2022

Віцебская абласная група па прававой асвеце наведала калектыў Віцебскага камбіната хлебапрадуктаў.

Сёння калектыў УП "Віцебскі камбінат хлебапрадуктаў" наведала абласная група па прававой асвеце ў складзе з прадстаўнікамі галоўнага ўпраўлення юстыцыі Віцебскага аблвыканкама, натарыята, адвакатуры, і іншых зацікаўленых асоб.

Віцебскі камбінат хлебапрадуктаў - гэта паўнацэнны комплекс, забяспечаны ўсёй неабходнай інфраструктурай. У яго склад уваходзіць магутная мукамольная і камбікормавая вытворчасць, рассыпных кармоў, уласны элеватар, складскія памяшканні і сучасная тэхнічная лабараторыя, сетка фірменных магазінаў і многае іншае.
Пад гандлёвай маркай «Жытніца», якая належыць ВКХП, выпускаецца хлебапякарная мука і розныя крупы, камбікорм для сельскагаспадарчых жывёл і птушкі. Вядзецца аптовы і рознічны гандаль насеннем і збожжам. І ўся гэтая вялізная вытворчая машына працуе зладжана, як гадзіннік. Менавіта ў гэтым члены групы па прававой асвеце змаглі асабіста пераканацца падчас праведзенай для іх экскурсіі.

У час сустрэчы з калектывам былі закрануты актуальныя прававыя тэмы. Напрыклад, галоўны прававы інспектар Віцебскага абласнога аб'яднання прафсаюзаў Святлана Супрунчук расказала аб кантрактнай форме найму і прававых аспектах рэгулявання працоўных адносін. Аб асноўных нормах Дэкрэта Прэзідэнта Рэспублікі Беларусь ад 12 кастрычніка 2021 г. № 6 "Аб змяненні Дэкрэта Прэзідэнта Рэспублікі Беларусь", які прадугледжвае ўнясенне змяненняў у Дэкрэт Прэзідэнта Рэспублікі Беларусь ад 15 снежня 2014 г. № 5 "Аб узмацненні патрабаванняў да кіруючых кадраў і работнікаў арганізацый" прысутным расказала галоўны спецыяліст па працы, занятасці і сацыяльнай абароне Віцебскага аблвыканкама Наталля Грыгор'ева.
Аб існуючым ваенна-палітычным становішчы ў краіне і за мяжой расказаў загадчык сектара арганізацыйна-кадравай работы галоўнага ўпраўлення юстыцыі Віцебскага аблвыканкама Валерый Цітоў.
Адначасова з гэтым для работнікаў прадпрыемства былі арганізаваны бясплатныя юрыдычныя кансультацыі спецыялістамі ўпраўлення прымусовага выканання галоўнага ўпраўлення юстыцыі, прадстаўнікамі натарыята, адвакатуры і прафсаюзаў. Усім жадаючым была аказана кваліфікаваная прававая дапамога.