Навіны

20 кастрычніка 2022

Сёння ва ўпраўленні прымусовага выканання галоўнага ўпраўлення юстыцыі Віцебскага аблвыканкама прайшоў адзіны дзень інфармавання. Удзел у ім прынялі начальнік галоўнага ўпраўлення юстыцыі Сяргей Канапелька, кіруючы склад органаў прымусовага выканання Віцебскай вобласці, Віцебскага філіяла рэспубліканскага унітарнага прадпрыемства па аказанні паслуг "БелЮрЗабеспячэнне", а таксама начальнік аддзялення інфармацыі і грамадскіх сувязей УУС Віцебскага аблвыканкама.

У парадак дня былі ўключаны пытанні ўзаемадзеяння органаў прымусовага выканання і работнікаў міліцыі пры ажыццяўленні рэйдавых мерапрыемстваў па адрасах даўжнікоў, правільнай падачы справаздачных матэрыялаў і фотасправаздач.

Асаблівая ўвага ў час сустрэчы была ўдзелена тэме ваенна-палітычнага становішча як у краіне, так і за мяжой. Начальнік галоўнага ўпраўлення юстыцыі адзначыў, што падстаў для хваляванняў няма, галоўнае захоўваць эмацыйны спакой.
«У сённяшніх умовах сілавы блок краіны можа гарантаваць бяспеку нашых грамадзян і дзяржавы. Ніякай панікі быць не павінна. Так, Захад увесь час імкнуўся ўлезці ў справы іншых дзяржаў. А сёння Беларусь застаецца востравам стабільнасці ў Еўропе, і калектыўнаму Захаду гэта не дае спакою. Таму нядзіўна, што ў ход ідуць скрайнія метады. Аднак наша дзяржава заўсёды стаяла за вырашэнне праблем мірным шляхам перамоваў, без вайны, без разбурэнняў. Як бы ні спрабавалі ўздзейнічаць на беларускае грамадства, наша з вамі асноўная задача - працягваць спакойна працаваць і менш надаваць увагу на хлуслівую, дэструктыўную інфармацыю», - звярнуў увагу падчас сустрэчы з калектывам Сяргей Канапелька.